ក្រុមហ៊ុន Samsung បានធ្វើការប្រកាសនូវទូរសព្ទបត់អេក្រង់ពីរ ម៉ូដែល G9198 សម្រាប់លក់នៅលើទីផ្សារប្រទេសចិន ដោយសមត្ថភាពរបស់វាគឺមិនចាញ់ Galaxy S6 ឡើយ។
ទូរសព្ទបត់នេះមានបំពាក់ដោយអេក្រង់ Touchscreen ប្រភេទ AMOLED កម្រិត ៧៦៨x១២៨០ ចំនួនពីរ ដែលមានទំហំ ៣,៩អ៊ីញ។ ចំណែកឯ CPU របស់វាគឺប្រភេទ Snapdragon 808 ល្បឿន ១,៨GHz ដើរដោយប្រព័ន្ធប្រតិបត្តិការ Android 5.1.1, RAM ទំហំ២GB និង មានអង្គចងចាំទំហំ១៦GB។ សម្រាប់កាមេរ៉ាខាងក្រោយមានទំហំដល់ទៅ១៦មេហ្គាភិកស្សែល និងកាមេរ៉ាខាងមុខទំហំ ៥មេហ្គាភិកស្សែល ដែលអាចធ្វើការថតរូប Selfie បានយ៉ាងល្អ។ ទូរសព្ទនេះក៏មាននូវមុខងារវាស់ចង្វាក់បេះដូងដូចទៅនឹងត្រកូល Galaxy ដែរ ហើយមានថ្ម ដែលមានថាមពល ២០២០ mAh និងអាចប្រើប្រាស់ស៊ីមបានដល់ទៅពីរ។
អ្វីដែលគួរឲ្យសោកស្ដាយនោះគឺ ទូរសព្ទដ៏ស្រស់ស្អាតមួយនេះមានលក់តែនៅលើទីផ្សារប្រទេសចិនតែប៉ុណ្ណោះ ហើយចំពោះតម្លៃក្រុមហ៊ុនមិនបានធ្វើការបញ្ជាក់នោះទេ៕
0 comments
Post a Comment